میڈی دید کوں مسئلہ تھی گئے
جنتے ڈیکھاں جندرے ڈسدن
ڈکھ دا جندرہ
بکھ دا جندرہ
رونڑ دھونڑ
چیکاں باکاں
دھکے دھوڑے
جھنڑکاں جھیڑے
ڈر دا جندرہ
اجڑے پجڑے گھر دا جندرہ
فرقہ بازی
ذہنی جندرہ
دہشتگردی
چپ دے جندرے
ظلم دی تتی دھپ دے جندرے
ڈینہہ کوں جندرہ
رات کوں جندرہ
لال ملنگ دا بھلا تھیووے
زندگی ہووس وجد ءچ آکے
ایہو چھک کے نعرہ مارس
ہر مسئلے دا ہکو حل ءے
ہر جندرے دی ہکا کنجی
جھمر مارو
جھمر مارو
جھمر مارو
-- منشو بھٹہ
