میکوں یاد ہے چھوٹے لا سائیکلاں کو مستری دے کول گھن ونجو ہا اساں سنگتی تے اوتھاں ساڈا ہک بے نال مقابلہ ہوندا ہا پھمنڑ۔(مصنوعی پھول) لاونڑ دا ویل رم دے چکے اچ اتے اگوں تار آلا گلدستہ لیندے ہاسے جیڑھا اگلے ویل دے ایکسل ایچ کوناں کھول تے مستری لیندا ہائی
اوندی لمبی تار اوتے ہینڈل تک آویندی ہائی
جیڑھی ہوا اچ سیکل بجھیندے ہوئیں ہلدی ھائی
تے اساں اوکوں ڈیکھ ڈیکھ خوش تھیندے ہاسے
اتے ہینڈل تے بریکاں دی مٹھ آلی جا تے وے رنگ برنگے پھل لیندے ہاسے گدی وی ریگزین دی جھالر آلی شوق نال لویندے ہاسے۔۔۔
تے پچھلے مڈگاڈ تے رتی تے ہینڈل دی ٹی تے
پیلی پتی وی لازمی لویندے ہاسے
مزے دی گال اے ہے جو اے بتیاں ترٹدیاں وی
جلتی ہن اساں ڈوجھے ڈھیں ول مستری کولوں لوا گھندے ہاسے جیب خرچے آلے پیسیاں نال پہلے ادھی قینچی سکھدے ہاسے ول پوری قینچی
تے آخر اچ گدی تے بہ کے سیکل جیڑھا چلاونڑ پے ونجے ہااو خوشی کولوں پھنڈ ویندا ہا ۔۔
ایں سیکل کوں ڈیکھ کے پتا لگے جو خوشیاں تے
اصل اوہو ہن۔۔۔ اج دا کار مل ونجے تا بندے ول وی
مونجھے ماندے ہونن جو اے پرانڑاں ماڈل اے کوئی نواں ہووے تے چس وی آسی ۔۔۔۔
جے اساں اج وی خوش تھیونڑاں چاہوں تے خوشی صرف ہک کیفیت ہے جیڑھی صرف ہک پھل ڈیکھنڑ نال وی مل سگدی اے ۔۔۔جے کوئی چاہووے تا۔۔۔
نا تے ول روو ودے کھپو ودے گولو ودے خوشی کتھائیں کینا لبھسی ۔۔۔
فیاض حسین بخاری