ہک پاسوں پورے ملک دیاں پارٹیاں پی ڈی ایم دی مشترکہ صورت ایچ حکومت کریندیاں پئن ڈوجھے پاسے کلھا عمران خان اے ۔حیرت انگیز طور تے فرد واحد ساریاں جماعتاں کولوں ضمنی انتخابات جیت گے ،ہک واری نی ڈو ترائے واری ،او وی واضح فرق نال ،پر ول وی عمران خان دی عوامی مقبولیت کوں تسلیم نی پے کریندے کجھ لوگ ،
میڈا ہک مٹھا یار اے مہر اسماعیل سرسانہ صاحب ،
۔جوان پڑھا لکھیا اے، تے ہے وی زرا کھلے ذہن دا ماہنڑوں پر عمران خان دے خلاف گاہل کرن دا کوئی موقع ضائع نی کریندا ،ڈوجھا پورا ناں گیا اے مرن جوگا ،😘
کجھ ڈینھ پہلے میں خان دی حمایت ایچ کوئی گاہل کیتم
جو خان دے دور ایچ مہنگائی دا روونڑاں روونڑ آلے ۔
ہنڑ ت بولیندے وی نی بھاویں جتنا عین غین کرے پی ڈی ایم دی حکومت ،چُسکدے وی نیں ،
خان دی واری تے ۔چیں چیں کریندے ہن ،،
اگوں مہر اسماعیل سرسانہ سئیں ،جواب ڈتے،
جو خان صاحب سُکا عین غین کریندا ہا ،
تے،پی ڈی ایم ،ویزلین ،تیل وغیرہ لا کے عین غین کریندی
،اے،تاہوں پیڑ (تکلیف ) نی تھیندی ،😂
سچی پچھدے وے میکوں ہاسا بہوں چھٹے ،بندہ یار اے ت ہے وی خوش باش جی دار پر مویا ہے پپلیا ،،
خیر پپلیا ہوونڑ کوئی جرم کینی بنیادی طور تے میں وی پپلیا ہاں بلکہ ہم،
نظریاتی جیالا ،جیڑھا ذوالفقار علی بھٹو شہید کوں اج وی مسلم دنیا دا قابل ترین سیاست دان تے لیڈر سمجھدے ،،
ول بی بی شہید بے نظیر بھٹو کوں وی بہوں اچھا لیڈر سمجھدے ،،
پر ول ایں تھیاں جو پپل پالٹی تے جناب آصف زرداری ہوراں دا قبضہ تھی گیا کیوں تھیا کینویں تھیا اللہ جانڑیں ،،
آف دی ریکارڈ ،
سرائیکی وسیب ایچ اے مشہور ہے تھیا ہا ۔
شودی بے نظیر بھٹو کوں ،زرداری آپ مروائے ،
میکوں نی پتا اے گاہل کیوں مشہور تھئی ت کیں کیتی ،،
زرداری صاحب کمپرو مائز ،دی سیاست کرینن ،ہر کہیں نال بنڑاں کے رکھنڑیں بھاویں او پپل پالٹی دے منشور دے خلاف ای کیوں نا ہووے ،کجھ ڈینھ پہلے انہاں دی ہک گاہل کنے پئی اے ،زرداری صاحب آکھے ،جو زندگی دا ایہو مقصد اے جو ،بلاول بھٹو زرداری کوں وزیر اعظم بنڑاواں ،✌️
ے ،،
ایں گاہل کوں ڈیکھ کے میڈے سویں نظریاتی جیالے کوں بہوں تکلیف تھیندی ہائی تے ہے جو پیپلز پارٹی کوں خون ڈٹا بھٹوز ،قربانیاں ڈتیاں عام کارکن نے ،
پر اقتدار دے مزے کریندا پے جناب زرداری یا انہاں دے لگ سلگ دے وزیر مشیر ،،
عام کارکن تک فوائد پہنچنڑ ای نی ڈیندے اتلے لوگ ،
ہیں گاہلوں جی ،کھٹا تھی گیا تے میڈے سویں نظریاتی جیالے آسے پاسے ڈیکھنڑ لگ گئے جو ،ہنڑ کیڑھے پاسے ٹروںں،،
جتھاں کجھ خیال رکھیا ویندا ہوے عوام دا تے بنیادی کارکن دا ،
عمران خان دی صورت ایچ ہک تبدیلی دی کرن نظر آئی عام لوگاں کوں ،
،منشور وی ڈاہڈا چنگا تے نظریاتی ہائی ،دل کوں اے سوچ پئ جو کیوں نا ہک واری خان صاحب کوں آزمایا ونجے ،
پپل پالٹی ۔مسلم لیگ ،نون ،قاف ،م ،وغیرہ کوں تے پہلے وی آزما چکے سے ۔پر ساڈے حالات نی بدلے ،،
البتہ نون ،قاف ،م ،ع وغیرہ دے لیڈر امیر ترین تھی گے ،
میں اعتراف کریناں جو تبدیلی دے ناں ت میں سابقہ جنرل الیکشن ویچ خان دی حمایت کیتی ہم ۔پر ول کجھ غلطیاں تھیاں خان کولوں کجھ ویچ مفاد پرست لوک وڑ گئے جنہاں پارٹی کو۔ نقصان ڈتا ،،
اپنڑے مفاد کیتے ہوں روش ت ٹُر پئے جیڑھی انہاں دی سابقہ حکومتاں ویچ ہائی،
اوڈوں نا مراد کرونا وائرس آگیا ۔جیں پوری دنیا دے امیر ملکاں کوں وی معاشی مسائل ایچ پھسا ڈتا ۔پاکستان ایچ ں وی حالات بہوں اوکھے تھی گے خان حکومت کو ں
لوک تساں اساں مندے کڈھنڑاں شروع تھی گیوسے ۔اخیر خان دی حکومت کوں مکا کے دم گھدا اتلیاں تلویاں رل کے ،
اے ہائی مختصر خلاصہ خان دے نال تھوڑی جئ ہمدردی دا ،
اگاں ٹردے سے ہنڑ ،
موجودہ وقت ایچ خان دے خلاف پورے پاکستان دیاں جماعتاں ۔پی ڈی ایم دی صورت ایچ جمع تھی گئن ت حکومت وی انہاں دی ہے مشترکہ ،
پر سچی پچھدے وےتاں اے ساریاں جماعتاں پی ڈی ایم دی صورت رل کے وی عوام کوں ریلیف نی ڈے سگیاں ،ہتھوں حالات دن با دن خراب تھیندے وینن ،پرانہاں کو صرف ہکو مسئلہ نظر دے جو خان کوں کہیں وی طرح عوام دی نظر ایچوں لہا سٹوں
گزری رات ڈیزل ،تے پٹرول بیا مہانگا تھی گے ،ڈاہ کلو آٹے واسطے جتنا خجل خوار عوام تھیندی پئی اے میڈے سمیت ایندا کوئی انت کینی ،
جیڑھی شے کو ہتھ لاؤ مہانگی اے ،
بد انتظامی ایڈی اے جو وستی ملوک دے نادرا دفتر دے سامنڑیں لمبی قطار سویر نال لگ ویندی اے ۔
اٹے واسطے لمبی چار پنج سو بندے دی قطار ست وجے نال کھڑی تھی ویندی اے ،
لوک اساں تساں کم کار چھوڑ کے صرف اٹے واسطے سارا سارا ڈینھ قطار ایچ خجل خوار تھیندے سے ۔پر حکومت کوں صرف خان دے مقدمے بنڑوانڑ نال دلچسپی اے عوام مرے بھاویں کھوہ ایچ ڈہھ کے انہاں کوں کیا ۔۔
عوامی رجھان ڈٹھا ونجے تاں ہیں ٹائم عمران خان پورے پاکستان دا پاپولر ترین لیڈر اے ۔نوجوان نسل خان کیتے جند تلی تے چائی ودی اے جینویں اکھینداں ،
مرن مارن واسطے تیار اے نویں نسل خان کیتے ۔
اے جنون ہیوے منے کوئی یا نا منے ۔ہیں سانگے ۔پی ڈی ایم پی ڈی ایم حکومت الیکشن کولوں ڈردی اے جو جیڑھا حال خان ساڈا ضمنی انتخابات ویچ کیتے خان اوہو حال جنرل الیکشن ویچ کریسی ،🙂
زور زبر نال ایں جنون کو دباونڑ دی کوشش کریندے پئن کہیں ویلے ۔ریلیاں تے پابندی لا کے ،بے ٹائم 80 توں ودھ مقدمے بنڑا کے خان تے ۔کہیں ویلے سوشل میڈیا ،،وغیرہ ت اینہاں دے خلاف مہم چلا کے ،۔منیا گھٹ تحریک انصاف دا۔ سوشل میڈیا وی کینی ✌️😉😜
پر اینویں لگدے جو خان انہاں کولوں زیادہ مقبول اے ت انہاں دے حواس ت چھاء ،گے،ہک دہشت بنڑ انہاں کیتے
پی ڈی ایم دے ہر سیاست دان دی زبان تے صرف خان دا ذکر ایندا ثبوت اے ۔میرے ناقص خیال نال ۔
خان دے خلاف گرفتاری دے وارنٹ ت ول پولیس اپریشن نال گرفتاری دی کوشش ،،خان کو زیادہ فائدہ ڈیسی ت پی ڈی ایم کو بیا نقصان ڈیسی ۔۔
عوامی ہمدردی خان نال ودھدی ویندی اے ،
ایندی سب تو۔ وڈی وجہ شتر بے مہار مہنگائی اے ،،
ڈوجھا انہاں دا ہر ویلے کویلے عمران دا ذکر اے ،،
انہاں کو ایہو گاہل سمجھ نی پئی آندی جو ایں طریقے نال اے عمران خان کوں زیادہ مشہور تے پاپولر کریندے پئن
ڈیکھو ول ہنڈدی کیا رنگ کڈھیندی اے ،،اے دا آسن الیکشن تے ملسن خبراں ،پر پی ڈی ایم الیکشن کولوں اینویں ڈردی پئی اے جینویں کاں ،(کوا )غلیل کولوں ڈردے
🖊️فیاض بخاری