سرائیکی زبان دے کجھ بُھلدے ہوئے لفظ
ساڈی سرائیکی زبان کو مٹھا آکھیا ویندے آدھن اے مٹھی زبان اے ایندے بولنڑ نال منہ ایچ مٹھاس بھریج ویندی اے گاھل ہے وی سچی ،اے تجربہ میں کئی واری کیتم ،جو اردو ،پنجابی ،انگریزی وغیرہ بولاں ت تھوڑا سختی محسوس تھیندی اے زبان ت منہ ایچ ،
پر جیڑھے ویلے میں سرائیکی بولا میڈی زبان ت منہ کولا نرم ، ملائم تھی ویندے ،جے زری ٹھھا کے بنڑا جوڑ کے سرائیکی کو الوایا ونجے تاں مٹھاس ودھ ویندی اے ایں زبان دی ،
میں ایں پوسٹ ایچ ڈو چار ایہو جے لفظاں ت سوجھلا پیساں جیڑھے بولنڑ الاونڑ ایچ گھٹ تھی گن ت اندھیرے ویچ لُکدے وینن ،،گو اے لفظ وی بولے وینن پر بہوں کم بولیا ویندے ،انہاں کو آپس ایچ ۔
تریمت
،،یعنی عورت ،،گھر آلی ،،بیوی ،زنانی ،کوں وی تریمت سڈیا ویندے ،ت عورتاں کو وی ،،جتھاں بیغانی عورت کوں ڈیکھوں تا آدھے سے اے پتا نہ کیندی تریمت اے ،پر اے لفظ ہنڑ گھٹ بولیا ویندے
،،
ذال ،، بیوی ،،کوں وی آدھن ے تے رن وی ،سوانڑی وی سڈیا ویندے عام عورت زنانی کوں وی ذال سڈیا ویندے۔تریمتاں آپس ایچ گاہل مہاڑ ایچ ،کہیں زنانی دی تعریف کرن ،،(بھل چُک کے نا ت اکثر ہک بے دا گلہ کرینن)دا آدھن فلانڑی وڈی اوچی لمبی ذال اے ،،
ذال اکثر شادی شدہ عورت کیتے بولیا ویندے ،
کنواری چھوہر کو البتہ ایں بولیا ویندے بطور تعریف ،،کہ اے وڈی سوہنڑی ذال بنڑسی ۔۔
گاہل اوہو جو بنیادی طور ذال ،پئے آلے زنانی کوں سڈیا ویندے ،،
پئے ،،
پئے ،،،،گھر آلے ،،شوہر کو سڈیا ویندے ،مرد وی آلوینن ،یا ول پہلے بال دے ناں ت سڈیا ویندے اجاں وی کہیں کہیں جاہ ت ۔جینویں جو پہلے بال دا ناں ہووے ،ناصر۔ گھر آلی ذال ۔بیوی ،اپنڑیں گھر آلے ،پئے ،،کوں ۔نار دا پیؤو ،،یا ناصر دا ابا ،،سڈیسی ،کہیں کہیں جاہ ت ۔جینویں شالا سڈینن ذال مرد ہک بے کوں
ڈیڈر ،،
مینڈک کوں سڈیا ویندے ،ڈیڈ ،،وی سڈیا ویندے ہک بئی گاہل اے وی ذہن ایچ رکھو جو ۔
کجھ لفظ ایسے ہن جیڑھے لکھنڑ ایچ بھاری ت بولنڑ ایچ ہلکے ہونن زبان ت ،جینویں اے ڈیڈر دا لفظ اے ۔
ایندے تلفظ دی آواز ٹ تے ڈ ،دے درمیان دی ہیوے جیڑھی صرف بول کے سمجھائی ونج سگدی اے لکھ کے نی سمجھا سگدا میں ۔
دُبہ
ایکوں ،،تلاء،،وی سڈیا ویندے ت ٹوبھا وی ،،اردو ایچ ،ایندا متبادل لفظ ،،تالاب ،،اے ،،عام طور ت روہی ایچ بولیا ویندے،
دِلا
دال تلے ،زیر ، نال دِلا ،،گھڑے کوں آکھیا ویندے وسیب ایچ
پِتی، پ تلے زیر نال ،،پتی ،جمع ،،پتیاں ،،
خربوزہ ،،پِتی ،جمع خربوزیاں کوں سڈیاں ویندے پتیاں ،،
لفظ بہوں سارے ہن جنہاں کو میں تھوڑا تھوڑا کر کے لکھی رکھساں ایتھا ،،زندگی وفا کیتی تاں